Сагындыков Жаркынбек Жумабаевич
Башкарманын төрагасы
19 жыл стажы бар банкир, анын ичинен 17 жыл жетектөөчү кызматта жана 10 жылдан ашык ири банктардын Башкармасында иштеген.
Эки жогорку билими бар:
Кыргыз-Россия Славян Университети, Табигый-техникалык факультети (артыкчылык диплому). Ош технологиялык университети, Экономика факультети (артыкчылык диплому). Жаркынбек Жумабаевич Сагындыков эмгек жолун 2005-жылы валюта бөлүмүнүн стажеру болуп баштаган, андан ары Европа реконструкциялоо жана өнүктүрүү банкынын «Микро жана чакан каржылоо» программасы боюнча «Кыргызстан коммерциялык банкы» ААКнын микрокредиттөө бөлүмүнө которулган жана эки жылда филиалдын Микро жана чакан каржылоо секторунун башчысы болгон.
Андан ары 2008-жылдын июнунан 2011-жылдын августуна чейин «ЮниКредит Банк» ААКнын Филиалынын директорунун орун басары, 2011-жылдын октябрынан – 2013-жылдын августуна чейин «Бакай Банк» ААКнын Кредиттөө башкармалыгынын начальниги болуп иштеген.
2013-жылдын сентябрынан тартып «Кыргызстан коммерциялык банкы» ААКда Кредиттөө башкармалыгынын начальниги, Башкарманын Төрагасынын орун басары, Башкарманын Төрагасынын биринчи орун басары кызматынан Башкарманын Төрагасына чейин иштеген, аны 2023-жылдын мартына чейин жетектеген.
2023-жылдын июнь айынан тартып «Бай-Тушүм» Банкы ААКнын Башкармасынын Төрагасынын кеңешчиси болгон жана 2024-жылдын июнунан тартып «Бай-Түшүм» Банкы ААКнын Башкармасынын Төрагасы кызматын ээлейт.
«САР» Сертификатталган бухгалтер – практик жана Европа реконструкциялоо жана өнүктүрүү банкынын, Микро жана чакан каржылоо программасынын эл аралык сертификатына ээ.
Банк системасын өнүктүрүү жаатындагы көп жылдык ак ниеттүү жана жемиштүү эмгеги үчүн Кыргызстандын Банктар бирлигинин «Ыраазычылык каты» жана «Ардак грамотасы» менен сыйланган.
Шамкеев Уланбек Анарбекович
Банк Башкармалыгынын Төрагасынын биринчи орун басары
Шамкеев Уланбек Анарбекович банк тармагында 30 жылдан ашык жетекчи кызматтарда иш тажрыйбасына ээ. 1993-жылы Кыргыз мамлекеттик университетинин бухгалтердик эсеп-экономика факультетин, 1996-жылы юридикалык факультетин артыкчылык диплому менен аяктаган.
Уланбек Шамкеев эмгек жолун АКБ Кыргызстан Банкынын валюталык кредиттөө жана соода операциялары бөлүмүнүн жетектөөчү адиси болуп баштаган. Андан кийин ар кандай банктарда жооптуу кызматтарда иштеген. Ал АКБ Кыргызстан Башкармалыгынын Төрагасынын орун басары болуп иштеген мезгилде ЕРƟБ (Европа реконструкциялоо жана өнүктүрүү банкы) микро жана чакан каржылоо программасын ишке ашыруу боюнча долбоорду жетектеген.
«РСК Банк» ААК Башкармалыгынын Төрагасынын биринчи орун басары катары Уланбек Шамкеев бардык мамлекеттик кредиттөө программаларын, анын ичинде айыл чарба, энергетика жана өнөр жай программаларын (ФСХ, ФЭИП, ФСП) ишке ашырууга активдүү катышкан. Ал ошондой эле жөнгө салуучу органдар жана башка каржы институттары менен тыгыз кызматташкан.
Уланбек Шамкеев «АКБ Кыргызстан» ААК жана «Күнтуу» ААК Директорлор Кеңештерин жетектеген. Ал ошондой эле Кредиттик маалыматты пайдалануучулардын Ассоциациясынын юридикалык жактар Бирикмесинин Директорлор Кеңешинин узак мөөнөттүү мүчөсү болгон. Уланбек баалуу кагаздар рыногун уюштуруу жана иштетүү, AAOIFI шарият стандарттары боюнча ислам банкинги, террористтик ишмердүүлүктү каржылоого жана кылмыш жолу менен алынган кирешелерди легализациялоого каршы аракеттенүү сыяктуу түрдүү багыттар боюнча окуудан өтүп, сертификат алган.
2023-жылдын июнь айында Шамкеев Уланбек Анарбекович «Бай-Түшүм» Банкы ААК Башкармалыгынын Төрагасынын орун басары кызматына дайындалган.
Канивец Сергей Владимирович
Банк Башкармалыгынын Төрагасынын орун басары
Сергей Канивец маалыматтык технологиялар, маалыматтык коопсуздук, тобокелдиктерди башкаруу тармагында 25 жылдан ашык тажрыйбага жана банк секторунда бизнес-процесстерди автоматташтыруу жана модернизациялоо жана банктык процессинг системаларын куруу боюнча жыйырма жылдан ашык тажрыйбага ээ.
2000-жылы И. Раззаков атындагы Кыргыз мамлекеттик техникалык университетин «Компьютердик комплекстер, системалар жана тармактар» адистигин бүтүргөн.
Сергей Канивец эмгек жолун такшалуудан баштап, Кыргыз Республикасынын Улуттук банкында IT-менеджерге чейин баштап, Улуттук банктын жана өлкөнүн банк тутумунун керектөөлөрү үчүн ар кандай автоматташтырылган системаларды иштеп чыгууга жана ишке киргизүүгө катышкан. Сергей Канивец маалыматтык коопсуздукту, маалыматтык банк тутумдарды түзүүгө «Кыргыз инвестициялык банкы» ЖАКсында, «ФинансКредитБанк» ААКсында, «Цеснабанк» АКсында (Казакстан, Астана) IT директор / маалыматтык коопсуздук боюнча директор катары олуттуу салым кошкон. «Кыргыз Республикасынын Банктар аралык процессинг борбору» ЖАКта (КР БПБ) Сергей Канивецтин жетекчилиги астында тобокелдиктерди башкаруу жана маалыматтык коопсуздук системасы курулуп, Elkart Mobile мобилдик тиркемесинин долбоору иштелип чыккан.
Сергей Канивец төмөнкү багыттар боюнча кошумча окуудан жана сертификациядан өттү: маалыматтык коопсуздукту башкаруу системасы, тобокелдиктерди башкаруу, IT-менеджмент жана маалыматтык системалардын аудити, банктык карталардын негизиндеги төлөм системалары, жалпы менеджмент жана долбоорду башкаруу.
Рамазанов Васип Дадавович
Банк Башкармалыгынын Төрагасынын орун басары
Васип Рамазанов банк секторунда 15 жылдан ашуун эмгек тажрыйбасына ээ, анын ичинде 10 жыл ири компанияларда жетекчилик кызматтарды аркалаган. Ал 2011-жылы Борбордук Азиядагы Америкалык университеттин “Бизнес башкаруу” адистиги боюнча бакалавр даражасын, ал эми 2013-жылы MBA даражасын алган.
Эмгек жолун Васип Рамазанов ЗАО «Демир Кыргыз Интернешнл Банк» мекемесинде жеке адамдарга кызмат көрсөтүү боюнча адис болуп баштаган. Бул банктын ичинде ал улук менеджерликке чейин жетишип, инвестиция жана ири корпоративдик кардарларды кредиттөө багытында ийгиликтүү иш алып барып, Кыргызстанда бир катар маанилүү долбоорлорду ишке ашырган.
Ошондой эле, Васип Рамазанов ЗАО «Альфа Телеком» (Mega) компаниясында VIP жана корпоративдик башкаруу бөлүмүнүн жетекчиси болуп иштеп, негизги кардарлар менен иш алып баруу жана башкаруу жаатындагы кесипкөйлүгүн арттырган.
Васип Рамазановдун карьерасындагы маанилүү баскычтардын бири – ЗАО «ЭкоИсламикБанк» банкы болду, анда ал 5 жыл бою Башкарманын мүчөсү кызматын аркалаган. Бул мезгилде ал Кыргызстанда Ислам Банкингин өнүктүрүүгө активдүү катышып, бул системаны өркүндөтүүгө чоң салым кошкон. Ислам Банкинги боюнча Васип Рамазановдун жогорку кесипкөйлүгүн Шариат стандарттарына (AAOIFI) ылайык алынган көптөгөн сертификаттар тастыктайт.
Мындан тышкары, ал ОАО «Коммерческий Банк Кыргызстан» (MBANK) мекемесинде бизнес өнүктүрүү боюнча жетекчи болуп иштеп, стратегиялык өнүгүү, өнөктөштүк байланыштарды оптималдаштыруу, жаңы продукцияларды жайылтуу жана банктын рыноктогу позициясын бекемдөө иштерин жетектеген.
2024-жылдын декабрь айында Васип Рамазанов «Бай-Тушум» Банкы ААКсынын Башкармасынын төрагасынын орун басары болуп дайындалып, бул анын ийгиликтүү карьерасындагы жаңы баскыч болду.
