“Менин үнөмдөөм. Менин чыгашаларым!” Инновациялык идеялар сынагынын жеңүүчүлөрү.
21.04.2022
«Бай-Түшүм» Банкы «Дүйнөлүк акча жумалыгы – 2022» эл аралык кампаниясынын алкагында 2022-жылдын 24-мартынан 15-апрелине чейин өткөрүлгөн «Менин үнөмдөөм. Менин чыгашаларым!» инновациялык идеялардын сынагын өткөрдү.
Сынактын негизги максаты студенттердин көңүлүн каржылык сабаттуулук деңгээлин жогорулатууга, акчаны туура пайдалануу, максат коюу жана үнөмдөө маселесине буруу болуп саналат.
Сынакка 17 жаштан 20 жашка чейинки 19 окуучу катышты. Төмөнкү критерийлер боюнча эң жогорку упай алган 3 студент жеңүүчү деп табылды: идеянын оригиналдуулугу, инновациялык, бизнес моделдин жашоого жөндөмдүүлүгү жана социалдык критерий (финансылык сабаттуулуктун элементтерин камтыган).
- I орун Нурсултан Сейсембаев, 19 жаш, КНК им. К.Молдобасов, “Bai Tushum 360°” тиркемеси, 167 балл
- II орун Алина Садиева, 19 жаш, БФЭТ, “БТБ эмбокс” тиркемеси, 143 балл
- III орун Эрбол Токуров, 19 жаш, КГТУ, “Мои сбережения. Мои расходы” тиркемеси, 140 балл
Кызыктыруучу сыйлык:
- Арстанбаева Айсулуу, 20 жаш, Ала-Тоо Университети, “Ведение учета доходов и расходов” тиркемеси, 133 балл
Сыйлык тапшыруу аземи тууралуу толук маалымат жеңүүчүлөргө 2022-жылдын 26-апрелине чейин жөнөтүлөт.
Бул сонун сынакка катышкандардын баарына рахмат. Банкты алдыда жаңы сынактар күтүп турат, катышыңыз жана утуп алыңыз!
